Diasabra awor lo tin un exposicion di habon artesanal traha localmente

ORANJESTAD (AAN): Na Fundacion Centro Famia Piedra Plat tin 25 dama cu a tuma un curso pa traha habon artesanal cu azeta organico y terapeutico.

            E lesnan tawata hopi interesante y e damanan a gusta masha hopi y tambe pa e dushi ambiente y familiar cu semper tin na e Fundacion.

            Diasabra awor 16 di november 2024 di 6:00 pa 8:00 pm tur hende ta invita pa bin na e exposicion pa por mira e resultado bunita di e habonnan organico cu e damanan mes a traha cu ta algo autentico creativo.

            Tambe ta duna oportunidad na esnan presente pa cumpra algun di e habonnan.

            Danki na CEDE ARUBA / BARiO UNICO cu ta aporta cu ta haci posibel pa organisa e cursonan aki den bario di Piedra Plat y bisindario.