SETAR ta e patrocinador mas grandi di carnaval pa varios aña caba

ORANJESTAD (AAN):   Roxana Ras, Hefe di Mercadeo di SETAR NV tabata masha contento dialuna mainta

ora cu e temporada di Carnaval 71 a keda oficialmente lansa den nan Conexion Center.

            El a expresa cu SETAR ta e patrocinador mas grandi di carnaval pa varios aña caba y pa nan ta un orguyo di por a 'host' SMAC riba e fecha aki di 11/11.

            SETAR durante carnaval ta bay tin diferente promocion, pero nan aporta na carnaval ta caminda nan ta duna SMAC sosten pa organisa tur e eventonan grandi y paradanan, como tambe cu Musica cu e parti di caiso cu socca, el a bisa.

            Ras a laga sa cu pa 2025 ya caba ta papiando riba kico ta bay ta e promocionnan y con SETAR ta bay ta visibel durante e paradanan.

            Di awo caba e kier a invita pueblo di Aruba pa ta presente, pa aporta na carnaval.