Ya caba decoracionnan di Pasco ta wordo poni

ORANJESTAD (AAN): Ya caba comunidad por mira nan ta wordo poni, indicando asina cu e temporada di mas dushi a yega.

   DIARIO a compronde cu e team profesional di DOW ya ta den full swing poniendo decoracion di Pasco tur caminda.  Por mira nan caba den Caya Betico Croes, tambe dilanti Parlamento y Oficina di Gobierno, tambe riba Plaza Daniel Leo, dilanti Aruba Carnival & Entertainment Village.

   Corda bon, e obhetonan di decoracion a wordo poni, y tin di djis keda pendiente, pa e anuncio ta riba ki fecha lo tin e anochi ora cu e luznan lo wordo cendi.