Women’s Club of Aruba a instala diez miembro nobo

ORANJESTAD (AAN): Den fin di siman cu a pasa, e organisacion di Women’s Club of Aruba (WCA) tabata tin e oportunidad pa instala miembronan nobo.

Asina a pasa cu durante reunion general di miembrecia di dia 2 di december, WCA a instala un tesorera y diez miembro nobo. E tesorera ta den persona di Rafaela Charissa Werleman y e miembronan nobo ta manera ta sigui: Jan Oduber, Kavita Daryanani, Ivette Zichem, Federica Jones, Sjamella Violenes, Aquanette Gunn, Tyfanny Garcia, Magaly Sneek, Judella Jeandor y Marjorie Hsing.

   Ex-presidente, Bernadette Schouten, kende a fungi como oficial di instalacion, a haci entrega di un pakete na cada un cu ta inclui nos constitucion, statuto, directorio anual y boletin mensual, mientras cu presidente Reina Geerman a haci damanan aki miembro oficial, ora el a pin nan cu e broche di WCA.

   Despues cu cada miembro nobo a haya nan bouquet di flor como aprecio di bonbini fo’i man di vice-presidente Angèle Geerman, tur presente por a sigui disfruta di e platonan navideño na Renaissance Convention Center.

   Como e tema tabata celebracion di Pasco, Suzanne Garcia, chairman di comision di Program & Study group na final a coordina benta di diferente articulo y cos dushi pa asina yuda recauda fondo pa nos uza pa proyecto pa comunidad.

   Di e forma aki, directiva y miembrecia di WCA a duna un caluroso bonbini na e dies miembro nobonan y a desea exito na Rafaela Charissa Werleman pa su posicion di tesorera den directiva di WCA.