Selma Helder a splica un tiki:
ORANJESTAD (AAN) – Den entrevista cu DIARIO, Selma Helder, miembro y MC di e organizacion encarga cu cendemento di e Luznan di Pasco, na Seroe Preto, a expresa cu nan a inicia e temporada di Pasco cu sentimentonan mixto di alegria y tristeza, pasobra nan a recorda e sernan stima cu bay laga nan, pero tambe e temporada di Pasco ta trece alegria.
E anochi di apertura e ambiente tabata sublime, cu musica di gaita y basta publico cu a bin presencia e evento tradicional aki.
E bunita iluminacion aki cu su infrastructura, ta cumpli 38 aña cu a wordo crea, y e biaha aki ta un poco mas simple, pasobra nan ta preparando pa e di 40 aniversario. Pero Selma ta spera cu e aña aki tambe e ta na agrado di tur hende.
E luznan ta cendi di Dialuna pa Diahuebs di 6.30 atardi pa 11 or anochi. Y Diabierna y diasabra ta keda cendi te 12’or.
{gallery}Cu musica y bon ambiente a cende e luznan tradicional di Pasco, di Seroe Preto{/gallery}
