Wind Creek Aruba ta ricibi premio di impacto di AHATA pa bienestar di empleadonan

ORANJESTAD (AAN): Wind Creek Aruba a ricibi “Premio di Impacto” di AHATA pa e aǹa 2025 pa bienestar di su empleadonan,

un reconocemento pa su compromiso sobresaliente laboral basa riba cuido, conexion y proposito.

E premio, presenta pa Aruba Hotel and Tourism Association, ta honra e negoshinan cu standardnan sobresaliente den industria pa pone prioridad riba bienestar personal y profesional di nan empleadonan.

E logro aki ta refleha e compromiso continuo di Wind Creek Aruba cu un team contento y ansioso pa crea un miho experiencia pa e huespednan. Asina mes cu e resort ta ofrece hopi programa pa empleadonan incluyendo educacion, sosten emocional, guia y reconocemento, e iniciativa Helping Hearts & Hands (HH&H) a sirbi como base principal di nan aplicacion pa e premio aki.

“Helping Hearts & Hands” no ta solamente un programa, e ta nos identidad, asina” Paul Gielen, Gerente General di Wind Creek Aruba, a bisa. “Nos ta kere firmemente cu ora personanan ta sinti cu nan ta wordo admira y apoya, nan ta florece. E premio aki ta un celebracion di nos ekipo y e cultura cu nos a construi hunto. E impacto real ta cu nos a mira cu nos mesun wowonan: esta yudando otro, sin duda.”

Helping Hearts & Hands ta un fondo confidencial, maneha pa empleadonan mes, cu ta duna ayudo financiero durante momentonan di emergencia, manera biahe medico, situacion familiar, of daño na cas. E fondo ta sosteni pa donacion di compania y empleadonan, y e ayudo ta considera como donacion y no como prestamo.

Aparte di HH&H, e otro iniciativa di bienestar di empleadonan ta inclui:

• Programa di educacion interno y liderazgo, incluyendo cursonan pa diploma GED y curso di liderazgo personalisa.
• Sosten di HR dedica pa cada lider di departamento pa mantene maneho constante y alinea cu e balornan di compania.
• Reclutamento basa riba proposito pa garantisa un bon adaptacion cultural na tur nivel.
• Un programa cu ta ofrece cuido di salud mental y depresion pa empleadonan y nan famia.
• Plataformanan di reconocemento manera “Wind Dollars” y “Best of the Best”, pa honra empleadonan cu ta personifica e mision y balor di e compania.

E premionan di Impacto di AHATA ta honra companianan cu ta haci un aporte significativo na comunidad y lugar di trabou. E victoria di Wind Creek Aruba ta pone enfasis riba su compromiso pa inclui compasion y proposito na tur nivel di experiencia di empleadonan.