Wind Creek Aruba a honra su miembronan di ekipo durante e siman di aprecio y celebracion

ORANJESTAD (AAN):   Wind Creek Aruba tawata tin un celebracion di siman di aprecio pa su miembronan di equipo cu e tema: "Apreciating the hands that lift us”.

Sr. Paul Gielen, General Manager ta splica cu e siman tras di lomba a wordo dedica na honra e empleadonan nan trabou impecabel cu ta representa nos proposito y balornan, esta di ta semper honesto y correcto, pasa un ratonan agradabel, y busca semper pa ta e mihor.

            Na Wind Creek Aruba, celebracion, diverticion y duna servicio na e comunidad ta forma parti di ken nos ta. Danki na e team creativo di recurso humano, e tributo di e siman aki lo no solamente tawata uno inolvidabel, pero tambe a impacta den e parti di duna back na nos comunidad.

            Actividadnan di e siman di aprecio:

BBQ & happy hour

E siman a cuminsa cu un 'happy hour' agradabel na Renaissance Festival Plaza acompaña cu un dushi BBQ pa full e famia di Wind Creek Aruba. 

Control di salud

            Diamars y dialuna mainta, empleadonan a pone extra atencion riba nan salud y por a controla esaki na pia di trabou. 

Nochi di pelicula

            Dialuna anochi empleadonan y nan famia por a disfruta di un pelicula bou e streanan acompaña pa popcorn y hotdogs. 

Trivia Interactivo

            Diamars anochi tawata uno cu yen ambiente y creatividad durante un actividad di trivia na Renaissance Convention Center. 

Dunando back na nos comunidad

            Diaranson mainta tawata uno special ya cu empleadonan di Wind Creek Aruba a uni man pa duna back na nos comunidad. A prepara un desayuno nutritivo pa 312 mucha di scol Felipe B. Tromp. E evento aki ta refleha nos compromiso di ta un impacto positivo den bida di otro hende.

            Esaki no por tawata posibel sin e ayudo generoso di Ling & Sons y Interex Transportation, cu tawata cla pa yuda nos team completo. Nan generosidad ta uno di aprecia y nada mas bunita di por a wak un sonrisa riba cara di cada un di e muchanan ora a yega cu e van di hotel na porta di nan scol cu un breakfast nutritivo pa tur di nan 

Almuerso di aprecio y bowling

            Diahuebs merdia a mustra e aprecio na tur empleadonan cu un almuerzo special den un ambiente agradabel na Renaissance Convention Center, aki e gerentenan a tuma over y a mustra nan aprecio sirbiendo e almuerzo na e empleadonan. E dia a finalisa cu un competencia ameno di bowling pa e miembronan di equipo.

            Sr Gielen a finalisa gradiciendo na cada miembronan di equipo pa nan dedicacion y pasion. Hunto, nos lo sigui construi un un luga di trabou cu ta inspira y juda tur cu ta envolvi