Fundacion Venezolanonan Uni Aruba a celebra un anochi di Pasco

ORANJESTAD (AAN) — Fundacion Venezolanonan Uni Aruba, presidi pa señora Marllory Medina, hunto cu Fundacion ACT,

a organiza un anochi di Pasco, den cual a presenta un obra teatral basa riba e historia di Nacemento di Jesus Cristo.

E tabata un anochi hopi agradabel, cu presentacion di danza. Seguidamente señora Medina a gradici tur persona y instancia cu ta duna Fundacion Venezolanonan Uni Aruba nan apoyo y aporte, por ehemplo cuminda, pa sostene e comedor popular cu ta bayendo hopi bon y ya caba tin 4 aña activo.

E fundacion a entrega algun regalo na su colaboradornan y a otorga un trofeo pa e Gerente di Palm Beach Plaza Mall, y tambe na señor Kelly pa e di 40 aña di Fundacion ACT cu ta esun cu actualmente ta encarga cu Palm Beach Plaza.