ORANJESTAD (AAN): White Coat Ceremony di Nucleus University School of Medicine and Dentistry Aruba a tuma lugar na Sun Plaza durante un anochi hopi ameno entre invitadonan.
Decano di Nucleus University Dr. Bala a duna bonbini na esnan presente y a gradici Pueblo di Aruba pa e bon acogida cu nan a ricibi y pa sostene nan studiantenan. E ta sinti cu Aruba ta su di dos cas.
E tambe a indica cu nan plannan pa futuro ta expande e universidad y habri un scol veterinario y un scol pa enfermero y farmaceutica. E meta ta pa e universidad bira uno di Ciencianan di Salud.
Di dos vice presidente, Manu Kanwar tambe a duna un discurso cortico yena cu inspiracion y palabranan di conseho y aporte na e studiantenan.
Despues di e discurso, cada studiante a ricibi nan 'white coat' y a huramenta e conocido huramento hipocratico.
https://diario.aw/categories/noticia/general/white-coat-ceremony-di-nucleus-university-school-of-medicine-and-dentistry-aruba#sigProIde071ecbcbe
