WEB Aruba ta celebra adkisicion definitivo di e di cuarter central electrico di Wärtsilä den 20 aña di colaboracion

ORANJESTAD (AAN):   Diabierna dia 17 di mei ultimo WEB Aruba y Wärtsilä Finland Oy a firma e ‘final take over’ di planta RECIP IV.

Cu e firmamento aki, Wärtsilä formalmente a entrega e planta na WEB Aruba.

            Operacion di RECIP IV ta conduci na un reduccion drastico di combustibel, na menos emision di gas den medio ambiente y na tarifanan di coriente sostenibel.

            Ademas, na momento di interupcion di suministro di coriente, e tempo pa recupera ta hopi mas cortico cu den pasado.

            Na 2017, WEB a cuminsa un esfuerso serio pa diversifica su mescla di fuel cu gas natural likido (LNG). E planta di poder di Recip Phase IV tin seis motor di Wärtsilä 18V50DF dual-fuel cu por traha cu fuel likido y gas, permitiendo e transicion na fuel mas limpi.

            Inicialmente, e planta lo traha cu 'heavy fuel oil' (HFO) y lo bay den transicion na LNG manera e bira disponibel riba e isla. E eficiencia mas halto y e transicion na LNG lo reduci emision total di e compleho di generacion di WEB.

            Manera WEB ta sigui agregando energia renovabel na e isla, e flexibilidad cu e motor di Wärtsilä cu ta start y stop lihe ta duna lo por hasi uzo optimo di e fuente di energia variabel sin afecta e stabilidad di sistema.

            E energianan renovabel, manera biento y solo, ta hopi variabel den nan produccion di energia. E flexibilidad cu tecnologia di motor di Wärtsilä ta duna lo permiti pa mas uzo di energia renovabel mientras ta evita inestabilidad di grid y blackout, limitacion di energia renovabel, y costo di sistema mas halto.

            E planta di poder cu motor di Wärtsilä a reemplaza e unidadnan bieu cu generacion mas eficiente y flexibel. E flexibilidad di fuel cu e motor di dual-fuel ta duna agrega resiliensia na e sistema di e compania mientras cu e ta permiti e transicion na fuel mas limpi y emision mas abou.

            “Nos ta emociona pa traha hunto cu Utilities manera WEB cu ta activamente haci e transicion di energia bira realidad. Manera e region di Caribe ta traha pa decarbonisa e generacion di electricidad, ta crucial pa aumenta flexibilidad di sistema pa maneha costo, mantene confiabilidad y permiti energia renovabel pa traha optimalmente,” segun Jon Rodriguez, Director, Engine Power Plants, Nort America na Wärtsilä Energy.

            E ceremonia a tuma lugar den planta di WEB den compania di diferente mandatario, diferente partner di proyecto, empleadonan y contratistanan di e compania di awa y energia.

            Pa e ocasion aki a haci un donacion total di Awg. 27.500,- na diferente instancia educativo, social y deportivo.