Wardacostanan di Caribe Hulandes y Rep. Dominicana a haci training hunto

Wardacostanan di Caribe Hulandes y Rep. Dominicana a haci training hunto

ORANJESTAD (AAN): Recientemente Wardacosta di Caribe Hulandes y tambe Guardacosta di Republica Dominicana a reforza nan cooperacion durante training yama ‘Vigilant Eyes’.

   For di 2 te cu 5 di November 2026, e training aki a ser haci, y ultimo biaha cu esaki a wordo organiza ta na 2013.  Esaki ta den cuadro di cooperacion riba tereno di Search & Rescue (SAR) pa mehora esaki den Lama Caribe, y tambe pasa riba e procedimentonan.

   Ademas di e trainingnan di SAR, a dedica tambe na accion di intercepta otro boto, con pa bay abordo, y con pa lastra otronan.  Aki a intercambia di conocemento, y experiencianan operacional entre ambos Wardacostanan. 

   Ora cu e cutter Poema ta bay haci training na Republica Dominicana, e delegacion di Wardacosta di Caribe Hulandes a ricibi e Embahador Hulandes na Republica Dominicana, cu a subi abordo pa un bishita.

   Na final di e training di Vigilant Eyes, a tene un wega amistoso di Softball entre e miembronan di ambos organizacion.  Ademas di esey a tene un ceremonia oficial pa cual a finaliza e training.