CCPM y Crisis Management Office a organisa un HEAT training

CCPM y Crisis Management Office a organisa un HEAT training

ORANJESTAD (AAN): Caribbean Civil Protection Mechanism (CCPM) a organsa un training

Hostile Environment Awareness Training (HEAT) di 3 te cu 5 di november 2026 na Aruba. Crisis Management Office (CMO) ta fungi como anfitrion local y ta brinda e facilidadnan y apoyo necesario pa e entrenamento, ademas di ta un participante activo.

HEAT (Hostile Environment Awareness Training) y ta encera sessionnan teoritico y ehercicionan practico riba diferente aspecto y topico relaciona cu crisis, desaster y situacionan peligroso.

Durante e tres dianan menciona, e participante a participa den ehercicio- y scenarionan practico tocante seguridad personal, evaluacion di riesgo, conciencia situacional, prome auxilio, responde  na emergencia y operacion durante calamidad, crisis etc. E scenario nan ta wordo actua di forma realistico, algun actividad por duna e impresion cu tin un emergencia di berdad. A haci uzo di actornan local pa contribui tambe n’e realismo di e scenarionan.

Forth Global:

E compania internacional Forth Global ta specialisa den seguridad y maneho di risico. Nan ta yuda organisacionnan y departamentonan di gobierno train nan trahadonan/empleadonan pa nan ta bon prepara pa actua durante situacionan di risico y crisis tanto na trabou como durante viahenan. E training na Aruba a ser haci door di Elmer, Dino, Koen y Mylan, expertonan di Forth Global kendenan conhuntamente a trece conocemento y experiencia teoretico y practico.

Participantenan di Caribe Hulandes:

E training a reuni oficialnan di maneho di crisis y personal di emergencia, polis ,brandweer etc for di Aruba, Corsou, Sint Maarten, Boneiro y Sint Eustatius, pa sigui fortalece maneho di crisis, preparacion pa desaster, resiliencia, capacidad operacional y specialmente, asistencia mutuo den Caribe Hulandes. E tipo di trainingnan aki ta esencial pa Caribe Hulandes.

E 25 participante ta forma un grupo varia cu ta trece hunto experiencia y conocemento riba varios otro tereno cu a contribui pa haci e training uno exitoso y fructifero.

Durante e actividadnan di practica, a uza e edificio y tereno di CMO na Wayaca, cu a brinda un tremendo espacio apropia pa tipo di trainingnan similar.

CCPM (Caribbean Civil Protection Mechanism), un plataforma pa coordinacion regional di crisis. E rol di CCPM ta pa conhuntamente prepara e islanan, conecta expertisio y conocemento regional y asina mehora preparación pa uso durante cualkier actividad cu ta rekeri asistencia. Prome cu un 2 crisis y/of un situacion di risico of peligro presenta, ta imporante pa crea un lista di persona entrena y prepara riba diferente tereno. Ora cu un peticion pa asistencia drenta, lo por identifica di biaha y facilmente ,e experticio necesario pa brinda ayudo logístico y experticio humano ora cu tin mester.

Despues di cada actividad y/of deployment, ta usa e feedback pa comparti conocemento y experiencia adkiri y tambe pa actualisa y/of adapta futuro programanan di training.

Crisis Management Office t’e departamento di gobierno encarga cu prevencion y maneho pa cu disaster y reduccion di riesgo y preparacion pa un comunidad resiliente. E training aki ta contribui n’e metanan di CMO. Staff y personal di CMO kier a gradici tur esnan cu den un of otro forma y capacidad a contribui pa haci HEAT 2026 un exito.