‘Verzetskruis’ di Boy Ecury entrega na Prome Minister pa forma parti di e coleccion historico

Minister Xiomara Maduro:

ORANJESTAD (AAN):  E siman cu a caba di pasa a recorda cu 80 aña pasa e Arubiano Boy Ecury a wordo fusila door di e Alemannan pa su balentia pa mustra resistencia contra nan opresion den Segunda Guerra Mundial.

            Pa su acto heroico Boy a ricibi di manera postumo e ‘Verzetskruis’ cu ta un condecoracion na tur cu a forma parti di e resistencia. Boy su subrino Ted Schouten a ricibi esaki na 1984 y  warda e ‘Verzetskruis’ pa hopi aña.

            Durante e acto di conmemoracion famia di Ted Schouten den feliz memoria a entrega e ‘Verzetskruis’ na Minister President y den presencia di Minister di Cultura a entrega esaki na director di Archivo Nacional Aruba pa e por forma parti di e coleccion historico di Segundo Jorge Adelberto (Boy) Ecury, nos heroe nacional.