Veld di Flatstone na Piedra Plat mester di basta mantencion

ORANJESTAD (AAN): Presidente di SV Flatstone a informa Minister Endy Croes cu e veld mester di basta mantencion.

 Fin di luna di mei proximo ta bai tin un torneo International di softball cu varios equipo di exterior. 

            Lamentablemente e lusnan cu a wordo instala na aña 2008 ta dunando basta problema y mester un mantencion intensivo. E realidad ta cu masha hopi organisacion di softball y baseball tur dia den siman ta hasi uso di e veld aki pa cu nan training. 

            Minister Endy Croes a splica cu ta bay sondea mesora kico ta e posibilidadnan pa por yega na fondonan pa mantencion pa duna un atencion urgente na e lusnan pa asina e Torneo Internacional por tuma lugar riba dicho tereno sin problema y tambe pa organisacionnan local por hasi maximo uso di e tereno. 

Hunto nos ta logra. 

Deporte ta On ora tin

Deseo, Disciplina, Dedicacion y Determinacion