ORANJESTAD (AAN): Manera cu DIARIO a trece algun tempo dilanti, Departamento di Asuntonan Economico, Comercio y Industria/IDEA,
ta ofrece un curso pa tur empresarionan of futuro empresarionan cu kier siña maneha
un negoshi eficientemente
Dia 4 di Mei venidero, Iniciativa pa Desaroyo di Empresa Arubano (Idea) ta presenta su curso “Empresario Prepara II” cual ta organiza door di Departamento di Asuntonan Economico, Comercio y Industria. Meta di e curso aki ta pa yuda nos clientenan con pa maneha nan negoshi of negoshi pa otro persona den un forma mas eficiente y manera mester ta.
Docentenan pa esaki:
Creating a Culture of Innovation: presenta door di Sr. Edward Erasmus, MA;
Small Business Tax: presenta door di Señora Cindy Clarke, LL.C;
Developing Brand Awareness for Customer Satisfaction: presenta door di Sr. Neville Thodé, BSc;
Leadership and Management: presenta door di Sr. Dave Martinus, Certified Business Coach.
Empresario Prepara lo cuminsa dia 4 mei 2022 y ta consisti di 19 lesnan (dos biaha pa siman, riba dialuna y diaranson). E curso lo termina 6 juli 2022. Horario ta 7.00 pm pa 9.15 pm y pa e lesnan lo tin un schedule cu lo mester tene cuenta cune. E curso lo worde duna riba e plataforma di ‘Microsoft Teams’.
Lo tin un costo pa cu e curso “Empresario Prepara II”, y bo mester completa tur e fasenan pa por logra un certificado na final.
Si bo persona ta desea di haci 1 of 2 topico so di e curso, por haci esaki tambe y lo ricibi un certificado si logra pasa e examen di e topico cu exito.
Criteria pa atende curso “Empresario Prepara II”: Ta preferibel pa tin nivel di MAVO of equivalente. Diploma no ta necesario.
Mester tin conocemento di computer y di e plataforma Microsoft Teams. Conocemento basico di papiamento, hulandes y ingles ta necesario.
Pa informacion y inscripcion por manda un email na This email address is being protected from spambots. You need JavaScript enabled to view it..
