Varios paddestoel creciendo riba Plaza na centro di Playa  

ORANJESTAD (AAN): Fotografo di DIARIO a tuma nota di un adorno di paddelstoel den centro di Playa.

   Ta trata aki di Gerrit Rietveld Park, cu tambe ta wordo yama ‘Plaza Brenchi Arends’ cu ta keda na e cruzada di Wilhelminastraat y Irenestraat, net pabao di El Gaucho.

    Sigur ta danki na e tiki awacero cu a cay ariba Aruba, cu e paddestoelnan aki a crece.  Un persona cu a pasa mira nan, a bisa cu e ta comosifuera e Plaza a bira uno “di sprookjes”.

   Paddestoel conoci na ingles como ‘Mushroom’, y na spaño como ‘Champiñón’ tabatin un nomber peculiar na Papiamento tambe den pasado.  Nos grandinan bibando den cierto area di Aruba, hopi biaha tabata yama nan “Pish’i Burico”.