Universidad a reconoce Studiantenan pa nan investigacion impactante y nan sosten di Comunidad

Orguyo Local:

ORANJESTAD (AAN): E ceremonia anual di reconocemento na Universidad di Aruba (UA) a premia e studiantenan mas sobresaliente, poniendo luz riba nan excelente investigacionnan y nan conexion fuerte cu e comunidad local. E reconocimentonan presenta den un asociacion cu companianan prominente, ta mustra e calidad halto di trabao academico cu ta worde haci y e balor inmediato cu e ta trece pa negoshi di Aruba y e panaroma social.

   Universidad cu orguyo ta enfatisa e modelo cooperativo: cada studiante premia ta worde selecta pa su facultad, hunto cu e compania cu ta sponsor. E asociacion unico aki ta sigura cu e investigacion aki no ta solamente rigoroso academicamente pero cu e ta directamente relevante pa e necesidadnan di e comunidad empresarial, ofreciendo un integracion impecabel di talento local halto den forsa laboral.

   Celebrando Logro y Enfoke riba Comunidad: E ceremonia ta pone spotlight riba e studiantenan cu a atende cu e problemanan mas crucial riba varios tereno:

   (*) FHTMS (Hospitality and Tourism): Laurenne Croes a worde honra pa su estudio oportuno, “Between Taboos and Trust: Factors Associated with Parental Willingness to Support Sex Education in Schools in Aruba.” Su supervisor, Dr. Rosabelle Illis, a remarca cu e trabao di Laurenne a bay mas leu cu topiconan tipico di turismo, stimulando compromiso publico significante y combersacion riba un problema social esencial.

   Laurenne cu a completa su pasantia na Cas Bon Development Group y cu ta traha awo ey como Asistente Ehecutivo, a worde gesponsor orguyosamente door di Aruba Tourist Authority. Celebrating Achievement and Community Focus.

   (*) FEF (Finance and Economics): E premio ta reconoce e dedicacion y trabao meticuloso di K.D., cu su tesis, “A Process Analysis of Accounts Receivable at the Aruba Chamber of Commerce and Industry,” cu a ofrece solucion practico pa mehora operacion. Su supervisor a destaca K.D. su naturalesa respetuoso y e preguntanan profundo cu e ta haci. Ernst & Young and Pelican Adventures a sostene e premio aki generosamente.

   (*) SWD (Social Work & Development): Rose-Anne Winklaar a ricibi e premio pa su investigacion riba “Knowledge, Attitudes, and Perceptions of Parents Regarding Child Risk Factors for Children Aged 0-5 at Carnival Events in Aruba.”Un mama dedica y un siñado pa bida, Ross-Anne su compromiso cu husticia social y su biahe profesional continuo na Departamento di Integracion y Maneho di Stranhero a encarna e espirito di e programa di SWD. Su logra a worde gesponsor door di Setar.

   Universidad di Aruba ta sumamente orguyoso di menciona cu Rose-Anne Winklaar su reconocemento a bay mas leu cu e premio cu el a ricibi e nochi aki. Su tesis a worde acepta pa publicion den e revista, Caribbean Languages and Culture Volumes, edita door di Dr. Nick Faraclas. UA ta felicita Rose-Ann Winklaar di curason cu e logro grandi aki. Ta duna UA mas motibo pa elogia y celebra nos studiantenan, ora mira cu apenas nan a gradua y ya nan tin publicacion den un revista internacional di e nivel aki.

   (*) OGM (Organization, Governance & Management): Gillmar Werleman a worde reconoci pa su estudio critico, “Understanding the barriers and simulators for youth participation: a qualitative case study in the Parlamento Hubenil Aruba.” Gilmar a worde elogia pa su acercamento energetico, su pensamento critico, y su curiosidad fuerte. Setar y RBC a sponsor su premio.

   (*) FDR MA (Law): Jose Henriques Reyes a worde honra pa su tesis compleho, y bon structura riba e revision huridico di detencion di strahero, “Het toetsen van vreemdelingenbewaring.” E comite di evaluacion a destaca su utilidad directo y su relevancia pa e practica huridico di Aruba. Orde van Advocaten van Aruba orguyosamente a sostene e premio aki.

   (*) SISSTEM MA (Science, Technology & Engineering): Tony Sevold a ricibi e premio pa su tesis, “Island Scale Observation of Coastal Ecosystems: Equitable Scientific Instruments for Monitoring Mangroves in Aruba.” Anthony su trabao a resalta como un acercamento innovado di monitoriamento di medio ambiente di poco gasto, promoviendo sostenibilidad y cooperacion di comunidad. Setar a

sponsor su premio.

   (*) SISSTEM BA: Joel Rajnherc a trata e problema di desigualdad di idioma den tecnologia den su tesis, “Speech-to-Text Model for keyword spotting applications in the Papiamento language within a healthcare environment.” Creando un cuadro di trabao funcional pa por incorpora Papiamento den e aplicacionnan di IA, Joel a impulsa preservacion cultural y acceso igual den cuido medico. E trabao importante aki a worde gesponsor door di Amsterdam Manor.

   Un reconocimento pa mentorado: Universidad a extende tambe un sincero gradecimento na tur supervisor di tesis, kende cu nan trabao excepcional di mentoria tabata fundamental pa guia e studiantenan na e nivelnan di exito academico halto aki.

   E premionan aki ta un recordatorio poderoso cu inverti den educacion local y forma aliansa solido cu industria ta e yabi pa construi un futuro vibrante y innovado pa Aruba.