Landray Gomes y Jeaven Lanting a bira Prins y Pancho Hubenil 2025

ORANJESTAD (AAN): Rondona di ambiente den Centro di Bario Dakota Diasabra ultimo, SMAC a corona Aruba su Prins & Panchonan pa Carnaval 72. 

  Tabatin en total 4 categoria pa Prins y Pancho e anochi aki.

   Aki DIARIO ta presenta resultado di eleccion di Prins y Pancho Hubenil, y e tabata lo siguiente:

   E ganadornan a bira “Prins M’a”, esta Landray Gomes y “Pancho Bisabo”, Jeaven Lanting, nan ta representando TOB/Kiwanis Builders Club.

   E duo aki a pone hendenan hari cu nan chiste- y presentacion riba escenario, y a aglomera bon punto cerca huradonan. 

   Un palabra di pabien ta bay na e duo, y tambe nan preparador, y na nan organizacion di TOB.