UNDP cu palabranan di elogio pa gobierno saliente

Contento di mira cu Gobierno nobo ta continua cu colaboracion cu UNDP

ORANJESTAD (AAN):  Durante gobernacion di Gabinete Wever-Croes II, Gobierno a restaura e Monumento Maria Convent na unda ta situa e Facultad di Sustainable Island Solutions through Science Technology and Mathematics (SISSTEM) di Universidad di Aruba. Parlamentario Evelyn Wever-Croes a indica cu e restauracion di e monumento aki ta un muestra cu Gobierno anterior a duna balor na partinan importante di e historia di Aruba. Na e facultad aki, e hobennan ta haña conocemento riba e area di technologia, cu ta e trabounan di futuro.

            Facultad nobo di SISSTEM no ta solamente “green” manera e gobierno anterior di AVP tabata kier. SISSTEM ta un vision di Gabinete Wever-Croes mucho mas amplio. E ta pa crea y brinda solucionnan sostenible pa paisnan chikito riba tereno di ciencia, tecnologia, ingenieria y matematica.   Esaki ta un legado cu nos a laga pa futuro generacionnan den tecnologia y innovacion.

            “Gobierno anterior a inverti den e proyecto aki un total di 13.6 miyon cu ta e placa cu Aruba a haya di Union Europeo pa dicho proyecto. Y ainda falta e otro 14 miyon cu Aruba lo haña pa E-Government cu sigur  lo ta un joya di proyecto” Parlamentario Evelyn Wever-Croes a expresa.