ORANJESTAD (AAN): Bureau Ombudsman a duna di conoce cu despues di un screening extenso,
Ombudsman di Aruba a ricibi e grato noticia cu awor e institucion di Aruba ta miembro oficial di e Institucion Internacional di Ombudsman (IOI, the International Ombudsman Institute).
Como miembro, IOI ta verifica cu Bureau Ombudsman y Ombudsman di Aruba ta cumpli cu e reglananan internacional cu ta: Independencia, Imparcialidad y Independencia financiero.
Por ehempel a controla cu e personal ta cay bou di liderazgo di Ombudsman y partido externo no tin influencia riba escogencia of maneho di personal. Of con Ombudsman ta haya y dirigi su fondonan.
Tambe a screen e procedura con a scoge Ombudsman di Aruba.
Mientras tur preparacion ta den proceso pa por cuminsa opera na Aruba pronto, Ombudsman di Aruba a encamina tambe e proceso pa wordo admiti como miembro di e institucion di IOI cu ta activo riba plataforma internacional.
Ademas di wordo reconoci segun standard internacional, cu e paso aki, Ombudsman di Aruba ta forma parti di un network internacional - cu mas di 200 institucion independiente establece na mas di 100 pais - cu ta trece cu ne un conocimento, experiencia y support enorme cu lo bay empodera sra. Jurima Bryson aun mas pa por haci e trabou grandi pa nos comunidad. Stapnan chikito pero importante
