Un pareha cu 37 aña di diferencia ta convenci cu nan ta cla pa haya yiu

ATLANTA: Cheryl y Quran McCain kier demostra cu edad no nifica nada pa bo diverti, stima, of pa forma un famia nobo. 

E dama tin 61 aña di edad, y e cabayero tin apenas 24 aña di edad.  Nan ta casa, y nan ta sigura cu nan ta balora hopi e idea di produci un baby hunto, no obstante e monton di critica cu nan ta ricibi tur dia riba Social Media.

   E corant The Sun a bisa cu Cheryl a conoce Quran na 2012, tempo e hoben tabatin 15 aña di edad.  E tabata traha na un Fast Food Restaurant di su yiu Chris na estado di Georgia.  Despues nan a perde contacto pero a bolbe topa otro na November 2020 ora cu e hoben a mira e dama ta traha como Cashier na un tienda.

   Quran e propone matrimonio na Cheryl na Juli 2021 cu un renchi cu el a cumpra cu placa cu el a haya danki na un accion online di GoFundMe organiza pa su fanaticonan.  Na September el a bisa “si”.

   Y awor e pareha a bisa cu nan ta cla pa haya nan prome yiu, sea e ta adopta of ta haye via un mama substituto.

   Segun Cheryl, kende ya tin siete yiu di entre 29 y 41 aña, como tambe 17 nieto, mayoria di su famia ta apoyando e decision aki.  “Awor nos kier tin un famia hunto.  Semper mi tabata kier tin yiu, y mi kier ta mama di su yiu,” el a bisa.  “Claro debi na mi edad, nos tin di bay busca un mama substituto of adopta, y esaki ta algo cu nos ta investigando,” el a bisa.

   “Hendenan ta bisa cu mi ta hopi egoista y demasiado bieu pa mi ta un mama awor, pero esey no ta preocupa mi di no ta aki pa cuida e baby,” e muher a insisti.

   E pareha ta disfrutando riba Social Media ta traha videonan pret, unda bo ta mira nan ta sunchi otro, mientras nan ta demostra amor na e 2.2 miyon di follower cu a acumula riba TikTok.  Toch tin hopi critica riba e diferencia di 37 aña entre nan dos, pero e amor ta convenci cu amor ta lo mas principal cu tin nan eynan.  Nan a hasta habri un pagina riba OnlyFans pa share videonan mas intimo na esnan dispuesto pa paga placa pa mira nan.