Miembronan di Chevereee Group a bay goza di desayuno

ORANJESTAD (AAN): E hendenan aki si ta jolly!  E forma uni di combersa, entretene nan mes, y acudi hunto na eventonan, a pone cu nan a crea un grupo cu nan a yama ‘Chevereee Group’.

   Den fin di siman cu a pasa, nan a dicidi na acudi na un Pre-Father’s Day Breakfast den Coral Restaurant na Holiday Inn Aruba Resort.

   Un total di 35 miembro a acudi na e desayuno aki, y cada uno a pasa un mainta great.

   A sali na cla, cu Chevereee Group ta preparando pa e concierto di Diasabra 25 di Juni venidero di Jorge Celedon y Wilfrido Vargas.  Nan a bisa DIARIO cu nan a logra haya 3 mesa den seccion VIP Gold, pues nan lo ta 30 persona cu lo bay disfruta, celebra, y goza bida.