ORANJESTAD (AAN): Tanto Diasabra, Diadomingo y Dialuna, lo tuma luga reunionnan riba nivel di Gobierno entre Prome Ministernan di Aruba, Corsou, St. Maarten y Secretario di Estado Alexandra Van Huffelen.
Diasabra lo discuti RAFT entre Aruba y Hulanda. Diadomingo ta cuminsa cu preparacionnan pa delibera riba COHO y lo continua cu e mesun tema aki Dialuna tambe. Durante di e reunionnan aki lo bay delibera di e futuro di RAFT, di COHO y Rijkswettten, teniendo na consideracion locual e Parlamentonan di e paisnan Aruba, Corsou, St. Maarten y Hulanda a indica caba.
