Un honor na tur empleado femenino di Do It Center

ORANJESTAD (AAN): Gerencia di e compania Do It Center a dicidi na honra tur nan empleadonan femenino riba Diabierna,

cu tabata alavez e Dia Internacional di Hende Muhe.

   E movimento di muhe aki su promer prioridad ta pa desaroya e conciencia di clase y pa e dignidad di un clase trahador femenino. Un otro tarea di e movemento aki tabata pa logra incorpora realmente y activamente muhenan den e ambito social, politico, cultural y economico. Tambe pa asumi un compromiso pa lucha y conquista un trabao di igualdad y dignidad.

   Nan a ricibi un regalito y tambe un banchi special pa pone na nan man, cada uno cu un mensahe na papiamento.  Algun cu mensahe “Muhe Unico”, otro cu “Muhe Bendiciona”, tambe tin “Muhe Resiliente”, etc.

   Riba potretnan aki por mira algun di e Hende Muhe cu a wordo honra na Do It Center.