Un Canto pa Aruba su Himno y Bandera Infantil - Hubenil 2024 tabata espectacular

ORANJESTAD (AAN): Diasabra a tuma lugar e festival 'Un Canto pa Aruba su Himno y Bandera' categoria  Infantil y Hubenil,

na unda nos talentonan local a mustra nan talento y amor pa nos cultura cu nan tremendo presentacionnan.  E aña aki a conta cu un participacion di 10 agrupacion musical y 30 participante, den 4 diferente categoria, cu ta 4-6 aña, 7-9 aña, 10-12 aña, y 13-17 aña.

Un palabra di pabien na tur ganador, como tambe finalista y participantenan.

   Den Categoria 4-6 aña, e ganador absulto di Categoria 4-6 aña ta: Mirlaine Vis cu e cancion ‘Den Mi Truck’, componi pa Veloushka Krozendijk y aregla pa Elton Trimon.   Di dos lugar a bay pa Zilah Geerman cu e cancion “Canta Cu Alegria”, componi pa Jhon Freddy Tobon Montoya, y aregla pa Dimitri Frans y Johnny Scharbaay.  Di tres lugar a bay pa Livaya Escalona cu cancion “Ay Ban Zwaai”, componi pa Erick Escalona y aregla pa Amado Rosina.

   Den Categoria 7-9 aña:  E ganador absoluto di Categoria 7-9 aña ta: Hailey Koolman cu cancion “Arikok”, componi y aregla pa Gino Panneflek.  Di dos lugar a bay pa J-Vyon Besselink cu cancion “Aruba Ban Planta”, componi pa Lurena Schwengle y aregla pa Rygel Isabella.  Di tres lugar a bay pa Jaymerson Kelly cu cancion “Muchanan Ban Goza”, componi pa Jason Kelly y aregla pa Tico Kelly.

   Den Categoria 10-12 aña: E ganador absoluto di Categoria 10-12 aña ta: Kitai de Jongh cu cancion “Sabi mane’ Don Shoco”, componi y aregla pa Zulaika Geerman.  Di dos lugar a bay pa Ishem Howell cu e cancion “Cadushi, Siña Mi”, componi pa Sidney Simoons y aregla pa Elton Trimon.

   Den Categoria 13-17 aña: E ganador absoluto di Categoria 13-17 aña ta: Gismary Linarez cu e cancion “Si Mi Bos Ta Di Dios”, componi pa Lurena Schwengle y aregla pa Raul Piar.  Di dos lugar a bay pa Reanne Ras cu cancion “Sigui e Pasonan”, componi pa Jhon Freddy Tobon Montoya y aregla pa Raul Piar.  Di tres lugar a bay pa Lizienne Webb cu cancion “Pa Bo”, componi pa Lurena Schwengle y aregla pa Johnny Scharbaay.