Conocido Lica di Lotto a baha cu pensioen

ORANJESTAD (AAN): Siman pasa durante un atardi hopi ameno, staf y personal di Lotto pa Deporte a celebra y dispidi di nan colega stima Lica Tromp.

   Señora Lica a traha den diferente posicion y despues cu a habri e tienda na oficina principal di Lotto na Oranjestad, Lica a cuminsa traha den e tienda te cu Diahuebs 29 di februari 2024, pa asina e por baha cu pensioen.

   Funcionarionan di Lotto a gradici Lica pa tur e 28 añanan di servicio cu Lotto y desea Lica tur clase di exito. Awo e por bay tuma tempo pa relaha y gosa di su pensioen bon mereci.