Ultimo reunion general di aña pa Kiwanis Club of Aruba cu ambiente

ORANJESTAD (AAN): Siman pasa, Kiwanis Club of Aruba a tene nan ultimo Reunion General di 2025, y e atmosfera tabata yena cu alegria festivo y orguyo Kiwaniano.

   President Indra a reconoce dos comision cu tabata hopi activo mes durante e prome trimester di aña Kiwanista 2025-2026.  Ta trata di e Halloween Charity Gala Committee bao guia di miembro Oslin.  Tambe e Youth Services Committee pa e proyecto di Universal Children’s Day, bao guia di miembro Marouska.  Cada uno durante e anochi aki a ricibi un gesto special di aprecio pa nan dedicacion y impacto.

     Un momento special di e anochi tabata ora cu a presenta e premio di 3er Lugar di Service Award 2024-2025 den e Kiwanis Division 26-EC&C Disrtrict na Tessy, reconociendo e crecimento di e miembrecia di e club y nan tan stima newsletter K-News.

   Tessy tambe tabatin e honor di oficialmente instala miembro Giantonio cu e Ruby K- Special Pin cu ta ser duna na miembronan cu a logra trece 5 of mas miembro nobo durante nan viahe den Kiwanis.

   E tabata aun anochi festivo di reconocemento, celebracion, y espirito Navideño, cu ta un forma perfecto pa finaliza e aña cu e famia di Kiwanis.