ORANJESTAD (AAN): E fundacion cu yama U-HAT (You Have A Talent) tabata tin un actividad den fin di siman unda nan anuncia nan proximo actividad.
Tilly Vloor, CEO di U-HAT a splica cu tur hende den e mundo aki a haya alomenos un talento y si bo keda desaroy'e, sigur na un dado momento e por bira bo ofishi mes.
Un par di personanan cu a expone nan trabao durante e actividad, nan talento a bira nan ofishi di cual nan por gana algo of un salario mes.
El a indica cu nan no ta pensa riba arte audiovisual so. Tambe nan ta pensa riba esunnan cu por canta, baila, declama, haci comedia, etc. Pero pa esakinan tin un anochi apart.
Segun Vloor, e aña aki e evento aki lo ta den Drive inn Cinemas y esaki lo yama 'Fly with me'. Tur esnan cu por canta, baila, etc, ta bay tey cu nan presentacion riba tarima.
E show aki lo ta 25 di September di 7 pm pa 9 pm.
https://diario.aw/categories/noticia/general/u-hat-ta-organisa-nan-evento-fly-with-me#sigProId6dc3968c5c
