Turista cu tabata gusta bishita Aruba a fayece di cancer di pulmon

ORANJESTAD (AAN): Un turista cu cada aña ta bishita Aruba, a fayece siman pasa despues di a perde su bataya contra cancer di pulmon.

   Ta trata aki di e dama turista Judith Littles, kende a fayece cu 64 aña di edad, den Lawrence General Hospital na Methuen, Massachusetts.

   Pa 25 aña largo el a traha den mundo di oficina di Dentista como un asistente dental.  E tabata miembro di Berkley Club of Lawrence unda nan tabata goza di socializa cu amigonan, hungando dart, bowling, baile, y mas.

   Judith tabata gusta cushina y alimenta su famia y amigonan., y tambe organiza get-together pa famia durante Noche Buena como tambe Bispo di Aña Nobo.

   Su lugar favorito pa pasa vacacion ta Aruba, y semper a gusta esey.

   E tabata un persona hopi contento, social, yen di personalidad y sonrisa.  El a mishi positivamente cu hopi hende cu el a topa.

   Diamars atardi cu a pasa tabatin momento di despedida pa su funeral na ciudad di Methuen.