PUNTO FIJO: Un cargamento grandi di droga a wordo intercepta na estado Falcon na Venezuela. Den e accion aki, a confisca un total di 41 paki yena cu marihuana.
Esaki a socede riba e caminda di Coro pa Punto Fijo, na e sector Medano Blanco. Nan a pone man riba dos persona. Esnan deteni ta Issac Ramón di 73 aña, y Merquiades del Carmen di 40 aña di edad.
Awor Ministerio Publico ta investigando pa haya sa ta pa unda e droga aki ta destina, y purba na haya sa tambe di unda a haya e cargamento aki.
Autoridad na Venezuela lamentablemente no a divulga kico e peso di e marihuana aki ta.
