Turista a cay for di trapi di ‘Cave Pool’ na Boca Mahos

Diasabra merdia

ORANJESTAD (AAN): E pida barancanan cu den decada di 1990 a cay na Boca Mahos, y cu despues a pone un trapi pa hendenan baha y baña den e ‘piscina’ natural eybao, pa hopi turista awendia ta ser yama ‘Cave Pool’.

   Diasabra atardi un Tour guide a bati alarma na autoridad, cu un turista a cay di e trapi di palo cu ta baha na e baranca pa bay na e pool natural eybao.

   Mesora a manda un unidad di Ambulance, cu a yega eynan y a papia cu e tour guide, unda e la splica nan loke a sosode.

   Parce cu e turista masculino pa un of otro motibo durante cu e tabata na e trapi aparentemente lo no a wanta bon y ta cay.

   E turista tabata papia cu e Paramediconan y por mira cu apesar cu e la ricibi basta golpi y rasca, toch su condicion di salud tabata parce di ta OK.

   E la cana subi ambulance y despues nan a sali direccion Hospitaal cu ne pa check-up avanza y mas tratamento.