Trahando hunto cu Santa Rosa pa proyectonan den 2024  

ORANJESTAD (AAN): Recientemente Minister Arends a bishita Santa Rosa unda cu el a hiba algun palabra den presencia di trahadonan y directiva.

Minister a expresa su gratitud pa nan esfuerso durante 2023 y pa hunto por planea e metanan pa 2024.

   Durante e bishita a reuni cu e directiva pa asina pasa ariba kico tur mester worde concretisa pa aña 2024. Durante e reunion a explora e posibilidad pa inverti den e capital humano di Santa Rosa y eleva e calidad di nan operacion.

  Ta bon pa remarca cu den e gobernacion aki a opta pa involucra e instancia den desaroyo di maneho di Ministerio di Naturalesa. Pues antes Santa Rosa tabata actua exclusivamente manera ehecutador di esakinan.