Directora di Departamento di Impuesto:
ORANJESTAD (AAN): Luenne Gomes-Pieters, Directora di Departamento di Impuesto a duna di conoce cu pa 2023, DIMP tin tur e cifranan di tur esnan cu a cumpli. Actualmente tin 89827 plach'i number na total registra na DIMP y e cifra ta creciendo.
El a bisa cu tin biaha DIMP tin scarcedad di plachi y tin cu laga traha plach'i number nobo.
A agrega cu 84.1% di tur e contribuyentenan a cumpli cu e pago. Antes tabata na 80% y 20% di esnan cu no a cumpli. Pero ta wak cu e 'compliance' a cuminsa subi y esey ta algo di reconoce tambe.
Esnan cu no a cumpli actualmente ta 14.4% di e contribuyentenan cu no a paga. 9.5% no a paga nada y 5% a keda sin paga. Esnan cu no a paga of tin solamente mitad aña paga lo mester cancela esaki prome cu nan paga 2024. E fecha final ta dia 31 di januari proximo.
DIMP ta wak cu e 'compliance' di 2024 a cuminsa tuma luga. Aña pasa na september, DIMP a habri e posibilidad pa cuminsa paga pocopoco. Ta wak cu hopi contribuyente ta haci uzo di esaki pa ora cu nan yega december nan tin nan prome mitad paga.
Te cu siman pasa, casi 30% di contribuyente cu a paga cu no ta malo y cu sigur ta algo di reconoce. Ta ripara cu hende ta mucho mas consciente cu e termino di pago ta yegando. Nan ta haci uzo di e pago parcial, a indica.
Tin un 71,6% cu no a paga ainda. Pero e 'deadline' ta 31 di januari, esta diaranson otro siman y pesey ta bolbe haci e apelacion na e contribuyentenan cu no a paga nada.
