Trahadornan di Santa Rosa a bay mira mas di proyectonan di Agroforesteria

ORANJESTAD (AAN): E proyectonan di Agroforesteria cu ta wordo pusha door di Gobierno ta,

cosechando basta exito na diferente scol y demas instancia rond di Aruba!  Lo principal ta cu muchanan di scol basico caba ta hayando educacion, y conocemento con bo ta planta, iriga, snoei mata, y mira con nan ta crece bira grandi y produci fruta y berdura.

   Den fin di siman, personal di Santa Rosa a ricibi un curso mas amplio riba e spectrum completo di Agroforesteria. Y e informacion aki a wordo suministra pa e dama hyper y balente, Rose Barros-Poels di Living Soil Aruba.

   Nan a acudi na Pius X School na Dakota, unda a mira e hardin cu apenas algun luna pasa a wordo planta.  Nan a ricibi detaye avanza di e experto di Living Soil Aruba, riba e planning pa a traha e hardin, tur e “mantenimento” obligatorio cu ta ser haci, y con balioso e yudansa ta di boluntarionan pa yuda mantene e hardin.  Recien DIARIO a publica potret di señor Jose di e bario, un persona di edad respetabel di 85 aña cu ta pasa yuda muha e matanan aki.  Tempo di su tempo, el a yuda su tata inmensamente den cunucu, y awor ta yudando e scol cu nan hardin.

   Lo bon di tur esaki, ta con informacion balioso ta wordo comparti pa asina Aruba por sigui traha pa pronto produci su mesun fruta y berdura pa consumo di pueblo.