ORANJESTAD (AAN): E organizacion di studiantenan Key Club di Colegio Arubano, a celebra siman pasa loke ta ser yama ‘Key Club Week’.
E ta un observacion di 4 di November te cu 8 di November, y rond mundo e ta wordo mira como e ‘mihor siman di aña’ pa nan.
Key Club Week ta un oportunidad special pa e club demostra nan espirito pa servicio na comunidad. Cada dia ta coresponde cu un actividad cu ta sigui promove Key Club den comunidad.
E aña aki riba Diahuebs, nan a tene nan asina yama ‘Random Acts of Kindness’. Den esaki nan ta mustra con un acto amabel por cambia bida di un hende. Bo ta plama bondad rond di scol door di encurasha actonan inespera di bondad, esta for di felicita un hende pa nan bistir, hasta honra alumnonan e dia ey, door di duna nan abrazo fuerte, yamando nan ‘Free Hugs’.
Esey ta loke nan a haci tambe, y riba e potret aki por mira dos miembro di Key Club Colegio Arubano ta duna y ricibi abrazos di un docente kende a mustra di ta basta feliz cu e acto amabel aki.
