Trahadonan di SADA ta hopi demotiva y "practicamente nan a tira e serbete den ring"

Presidente Edward Maduro:

ORANJESTAD (AAN):   Presidente di Sindicato di Aduana (SADA), Sr. Edward Maduro a bolbe papia riba e demotivacion cu tin den Cuerpo di Aduana. El a remarca cu na 2017 a cuminsa cu un reorganisacion, pero te dia di awe formalmente e no a termina. Ainda falta un aspecto pa "rond af".

            Maduro a agrega cu ya caba por bisa cu un di e aspectonan cual ta e 'functie beschrijving' a wordo trata y acorda na 2017. Ya caba aworaki ta birando desactualisa y mester haya un revision atrobe.

            Banda di esaki tin e parti di formacion, el a bisa pasobra Aduana ta suppose di ta trahando den un rumbo nobo, pero e formacion mes no ta tumando luga. Tin opleiding cu tin hopi aña ta tardando, perhudicando un grupo hopi grandi di trahadonan. Esey ta algo cu nan ta lamenta.

            Varios biaha a trece esaki dilanti cu minister y nada a sosode. A combersa cu e director di Aduana mes, pero nada ta tuma luga, segun Maduro.

            El a agrega cu tin hopi cos cu nan ta wak cu ta keda pendiente y mirando cu e trahadonan ta hopi demotiva y "practicamente nan a tira e serbete den ring".

            Duane ta mira esaki como un situacion dificil y for di aña pasa nan tabata basta ocupa cu e tema di e 'prestatie management' cual ainda por bisa cu no ta cla cu ne ya cu tin hopi mancamento den e sistema con e ley ta wordo ehecuta na cierto departamentonan, principalmente den Duane, Edward Maduro di SADA a declara.