Trabao di mantenimento na Pier di Hadicurari

ORANJESTAD (AAN): Trabou di mantenimento na un Pier ta algo cu ta constantemente ta tuma lugar. 

Tin di haci esaki, como cu e ta un bataya constante contra saltpeter cu ta afecta tur material cu ta cerca di lama.

   Pues ora cu bo ta cana riba e Pier, for di ‘ariba’ e ta mustra un cos, pero loke tin abou, pues casi na superficie di lama, tambe ta conta.

   Mantenimento di Pier ta importante, pasobra e ta sigura y trece seguridad pa usuarionan, door di preveni accident.  E ta yuda aumenta e bida di e Pier, door di atende aspectonan structural, prome cu nan bira critico, y fuera di esey e ta mantene costo en general door di detecta problemanan menor prome cu nan escala den reparacion costoso, grandi, of hasta tin di reemplaza nan.

   Inspeccion regular y mantenimento proactivo ta preserva e integridad structural y balor di e structura di e Pier.  Pues pa esun di Hadicurari, e ta pues un inversion.  Y trabao di mantenimento ta sigui e dianan aki.