ORANJESTAD (AAN): Den fin di siman, e conocido Apicultor na Casibari, esta Sr. Luis Winterdal a anuncia cu e tin bastante honing puro.
Semper nos grandinan ta recomenda pa semper cumpra honing local.
Honing puro ta wordo considera miho, pasobra e ta menos procesa, ta retene mas enzyme natural, antioxidante, pollen, vitamina, y mineral cu normalmente ta wordo kita durante pasteurizacion y filtramento di honing regular.
E componentenan beneficioso den honing puro ta ofrece mihor componente pa yuda salud, manera mihor funcion pa bo sistema inmunologo, beneficionan anti-oxidante pa salud di curazon, y propiedad anti-bacterial.
