Torpedo ariba beach

Mainta 16 di Februari 1942, durante un control durante patruyahe di militarnan na e beach di Eagle ( awe esaki ta Druif beach),

pa ta exacto un tiki mas noord di e pier di refineria Eagle, a topa algo masha particular.

E pida tubo cu e soldad Sloterdijk a simplemente sinta ariba dje tabata un torpedo!

Ainda a papia di e madruga di Februari 16 1942 ariba e explosion di tres lake tanker. SS Oranjestad y SS Pedernales ta keda alcansa pa un torpedo net dilanti di waf di Lago.

E Esso tanker Arkansas tambe ta keda alcansa pa un torpedo na e parti patras pero e barco tabata bashi y no a sufri daño.

E di Dos Guera Mundial a yega Aruba. Si Aruba un isla chikito leu di continente Europeo unda cu Adolf Hitler a mustra su dominio militar.

E submarino Aleman U 156 comanda pa Capitan Teniente Werner Hartenstein a los tres torpedo ariba Arkanas di cual un ta pega ariba beach.

Februari 17, 1942 dos experto den neutralisa artefactonan explosivo ta yega Aruba.

E teniente Joosse y Sargento Mayor de Maagd ta bin for di Curacao. Na aeropuerto a warda ariba e Marinero 2e Klasse Klein, Marinero 3de Klasse Vogelzang y e Soldad di Schutterij Arubano Bruno Bremer.

Nan 5 hunto ta bay Eagle Beach. Mesora e equipo di experto ta cuminsa na desarma e torpedo. A kita e parti dilanti (warhead) di e torpedo for di e parti patras. A usa un truck di e refineria Eagle pa hala e parti patras un tiki mas leu.

Teniente Joosse a prepara dinamita y pone bao di e parti dilanti y a purba rementa esaki. E parti dilanti a bula bay halto y cay abao bek sin explota.

Marinero 1 clase Kooijman a para na un tiki distancia di e torpedo tambe a bin cerca di e grupo.

Teniente Joosse un tiki frustra a dicidi di purba di kita e nanishi di e parti dilanti ( warhead).

Cu un cabuya mara na e truck y un waya di metal mara na e nanishi di parti dilanti di e torpedo a trata pa kita esaki.

Net 10:45 na un manera inespera e nanishi di torpedo a rementa y a mata de Maagd, Vogelezang y Kooijman di biaha. Joosse ta keda criticamente herida y fayece den oranan di atardi

E schuttersnan di Aruba Antonius Klein, Jacobo Kock y Bruno Bremer ta keda herida pero a keda na bida.

Bruno Bremer a perde su oido pa semper.

E cuatro militarnan Hulandes a keda dera na Aruba su siguiente dia.

Na 1999 a repatria e cadavernan pa Hulanda.

Na Savaneta Kamp tin un monumento dedica na e 4 militarnan Hulandes.

Compila pe Roberto Croes