Tom a gradua na Hulanda

ORANJESTAD (AAN): Bon noticia a drenta for di Rotterdam.  Esey ta debi cu Tom Croes a gradua Diamars na Erasmus Universiteit Rotterdam.

   El a obtene su Master’s degree den Accounting, Auditing, and Control.

   Tom Croes na Aruba a bishita scol basico Maria School na Santa Cruz, y despues a finaliza Colegio Arubano y asina a bay Hulanda.

   Mas cu claro, su mayornan Glenn y Evelien Croes ta sumamente contento, y tambe demas famia.  Riba e potretnan aki por mira mas despues di e ceremonia di graduacion na Rotterdam.

   Palabra di pabien na henter famia, y deseonan di mas exito y progreso na Tom.