DOW a despedi di nan director Ing. Marlon Croes

Un carera di 35 aña y 10 luna na DOW

ORANJESTAD (AAN):  Diabierna dia 6 december 2024, na DOW tabatin sentimentonan mixto pa motibo cu nan director Marlon  L. Croes a baha cu vakantie y dia 31 di januari 2025 lo ta su ultimo dia como directeur na Departamento di Obra Publico, manera nos tur sa el a tuma su retiro.

            Marlon L. Croes a caba di studia na aña 1989 na Nationale Hogeschool voor Toerisme & Verkeer y a cuminsa traha na DOW den e mesun aña.
- Entre añanan 1989-1992 e la traha den e departamento di Ontwerp & Planning como un medewerker den Civiel.

- 1992- 1997 a bira waarnemend chef Civiel di e departamento Ontwerp & Planning.
- Na aña 1997 a bira projectmanager di e departamento di Ontwerp & Planning y tambe a bira waarnemend di e departamento.
- Na aña 2000 te cu 2014 a bira Hoofd di e afdeling di Beleid & Toezicht.

Por ultimo na aña 2014 te cu awor a fungi como directeur di DOW.

            Proyectonan importante cu e la logra durante su carera na DOW:
- Implementacion di e verkeercirculatieplan den Oranjestad.
- Diseña y ehecuta e busstation na L.G. Smith Blvd.
- Introduci e regla e preferencia riba rotondenan.
- Diseña y ehecuta e caminda principal di Tanki Flip pa Pos Abou.
- Movimento di e containerhaven di waf pa Barcadera.
- Realisacion di e plan di embeyecemento den Oranjestad.
- Realisacion proyectonan PPP - Green Corridor y Watty Vos Blvd y
- Realisacion di proyeco Douankantoor na Barcadera.

            Un carera di 35 aña y 10 luna na DOW y a dicidi di tuma un otro rumbo. Kico e rumbo ey ta, nos no sa ainda pero nos ta sigur cu e lo haci su maximo esfuerzo manera semper e la haci na DOW.

            "Di nos banda nos ta desea nos directeur tur clase di exito y manera nos ta bise tur biaha e ta “one phone call away”, asina e trahadornan di DOW a expresa.