ORANJESTAD (AAN): Diamars e personal di St. Paulus School na San Nicolas a ricibi bishita special.
Ta trata aki di Juffrouw Veronique Klappe, kende den pasado a yega di duna les na e scol aki di 2013 te cu 2016. Despues el a regresa Hulanda y a sigui duna les na scol aya.
Awor e ta di vacacion na Aruba, y a dicidi na pasa saluda su ex-coleganan, kendenan a keda contento cu e sorpresa agradabel aki di su bishita. Asina a haya chens di papia un rato riba desaroyo di su bida, y tambe desaroyo di St. Paulus School.
