Tin di sigui jump-start turismo aun mas pa San Nicolas

ORANJESTAD (AAN): E siman aki por a nota con Gobierno, San Nicolas Business Association, Artisa,

y diferente otro grupo ta trahando duro pa no solamente duna bida back na San Nicolas, pero cu por garantiza un mihor porvenir pa su habitantenan.

   Pero en realidad tin masha hopi trabao cu mester worde haci pa cu e trabaonan di limpieza cu mester tuma lugar mas pronto posible y pesey ta tur hende mester pone cabez hunto pa por realiza esaki.

   Tin di admiti, cu tin area di hopi mahos bista cu mester haya atencion mas liher posible, entre otro cuminsa cu kita e autonan den mal estado for di bista di nos bishitantenan.

   Algo otro cu sigur mester hopi atencion, ta e Adictonan Ambulante, cu no solamente ta crea un mahos bista, pero tambe ta spanta e turistanan y sin laga afo cu nan ta haci daño na propiedad di otronan.