Tin den mente cu pa Juli 2026 lo tin tur e situacion di ‘retrazo di desperdicio medico’ alivia

Director di Utilities Aruba NV Joseph Everon:

ORANJESTAD (AAN)  Señor Joseph Everon, Director di Utilities Aruba NV, den entrevista cu DIARIO a subraya cu den full e desaster cu tin den e backlog di medical waste, na momento cu e Comision di Incineratornan tuma accion, tin un fluho cu ta bay encarga di e backlog, pero tambe bay tin uno pa atende e fluho cu ta keda drenta, pasobra nan no kier laga e backlog aki sigui aumenta.

   “Nos tin den mente cu pa Juli di e proximo aña nos lo tin full e backlog ey alivia, pero nos ta bisa cu nos ta trahando si, pa acelera e proceso aki; dus, nos ta ocupa ta wak e maneranan con nos por set up operacionalmente e fluho di desperdicio y tambe nos manera di opera.

“Kizas nos ta bay traha mas ora pa incinera. Tur esey nos ta haciendo aworaki pa corta e periodo te cu Juli 2026. Pues, den esey nos ta trahando riba dje na e momentonan aki, pa nos mehora esey”, Everon a señala.

   El a agrega cu algo hopi importante cu kizas e no ta mir’e ta pakico tambe extra incinerator y den futuro mas tambe, ta cu na momento cu ta set up e fluho di desperdicio bon, un incinerator si bay kime sushi medico, y despues kier uze pa kima algo otro, tin cu cambia e proceso di traha cu incinerator.

“Anto pa bo tin un miho control riba esey, mas fluho di desperdicio bo tin of mas fluho di incinerator bo tin, bo ta impacta e medio ambiente menos. Pues, tur esey nos ta tene den consideracion, nos ta bay amplia e parti di incineracion”, Joseph Everon a indica.