October ta decisivo pa Hulanda cu explosion politico prome cu Covid-19
*Caos politico Hulandes a dicidi pa relacion financiero di Reino
*Ex Prome Ministro Hulandes ta dirigi placa Hulandes pa NATO
ORANJESTAD (AAN) — Reino Hulandes, pues incluyendo Aruba, ta enfrenta un momento historico cu a conoce su raiz na momento cu dia 2 di Juli 2024 Pueblo Hulandes a pone un fin na un serie di cuatro Gobierno dirigi pa Mark Rutte di VVD.
E eleccion sigur a marca historia electoral di Hulanda y asina di Reino Hulandes pasobra segun Statuut ta e Ministronan den Gobierno Hulandes y e Ministronan Plenipotenciario di e paisnan soberano den Reino, ta forma e Gobierno di Reino Hulandes.
Pa e Gobierno por a bira realidad, e dirigente di e partido PVV cu segun costumber den formacion como e ganador absoluto di eleccion, Geert Wilders, lo mester a bira Prome Ministro.
For di e prome momento di formacion di Gobierno a bira evidente cu votadornan Hulandes a trece un cambio total y revolucionario den gobernacion di Hulanda y di Reino.
E inicio real ta bay mas leu den historia, manera DIARIO continuamentea splica Aruba.
Cambio politico na Hulanda a cuminsa prome cu Covid-19 cu problemanan gubernamental serio cu a presenta relaciona cu maneho di toeslagen, compensacionnan duna dor di Gobierno.
Fayo di instancianan gubernamental a causa problemanan serio pa mas cu 25 Mil mayor inocente cu a wordo perhudica.
Pieter Omtzigt cu tabata Miembro di CDA tabata uno di e politiconan cu a protesta den e epoca cu partidonan tradicional a mira partidonan nobo ta bati na porta pa atende cu problemanan di gremionan disgusta.
Pieter Omtzigt a bira lider di Nieuw Sociaal Contract y na prome momento a wordo pensa cu e lo bira un lider renombra pa futuro, loke e no por a concretiza.
2020 no a bira solamente e entrada di Covid-19 pa Hulanda pero tambe entrada di partidonan cu a lanta para pa cambio den e forma cu tabata maneho interesnan di gruponan di comunidad.
Boer- BurgerBeweging a presenta su mes como alternativa na caminda pa eleccion na Hulanda cu Covid-19 a pone na careda na inicio di su era politico nobo.
E ultimo gabinete Mark Rutte sigur no por a premira cu no ta e partidonan nobo pero e partido di e controversial Geert Wilders, cu a exigi un Hulanda pa Hulandesnan, lo a bira e cambio politico grandi.
Dia 2 di Juli 2024 e prome Gobierno Schoof, dirigi pa Prome Ministro Schoof sin partido, a mira luz y Geert Wilders a bira dirigente politico for di Parlamento Hulandes.
E Gobierno Hulandes cu tambe lo a bira base di Gobierno di Reino Hulandes, a wordo forma pa cu 37 asiento di PVV di Geert Wilders, 24 di PVV, cu a despedi di su lider Mark Rutte, 20 di Nieuw Sociaal Contract 7 di BBB.
E Gobierno tabata tin un duracion mas largo cu a wordo spera pero a sobrevivi te 3 di Juni 2025 ora partido di Wilders a bisa ta basta y a bandona Gobierno Hulandes cu a bira demisionario mientras Wilders a regresa oposicion.
Prome Ministro Dick Schoof a mantene su posicion cu realmente tabata debi na e compromiso pa Geert Wilders cu tabata lider ganador absoluto di eleccion 2024, keda den Parlamento y no bira Prome Ministro manera e resultado di eleccion 2024 normalmente a exigi.
Dia 30 di Juli 2024 un miembro di NSC den Gobierno a dicidi pa sostene BBB den oposicion.
Cambionan mester a wordo haci den Gobierno Hulandes den un situacion di crisis cu a sigui crece ora dia 22 di augustus 2025, NSC di Omtzigt cu a retira di politica pa motibonan di salud, tambe a dicidi di bandona coalicion.
Dia 22 di Augustus 2025 un situacion historico a presenta su mes pa Gobierno di Hulanda y asina Gobierno politico di Reino, cu ta basa ariba un minoria Hulandes y e Ministronan Plenipotenciario den Reino Hulandes actualmente, a bolbe reparti e tareanan na caminda pa formacion di un Gobierno nobo a base di resultado di eleccion.
Un minoria den Tweede Kamer Hulandes, hunto cu e Ministronan Plenipotenciario ta forma e Conseho di Ministro di Reino cu hunto cu Rey Willem Alexander ta forma Gobierno di Reino.
Pa actualmente tin un Gobierno di Reino den un situacion historico, oposicion den Tweede Kamer ta sostene e gobierno actual.
Esaki ta nifica cu no tin tempo pa perde y e temporada di formacion di un Gobierno nobo pa Hulanda y asina e base politico di Gobierno di Reino, mester tuma lugar cu urgencia.
Un situacion historico Reino conoce na momento cu e ultimo ex Prome Ministro di Reino Mark Rutte, como Secretario General di NATO, a logra impone participacion financiero extra di Hulanda den NATO, loke a haci cu Hulanda, mester a introduci cambio urgente na asistencia financiero den Reino y asina tambe na Aruba.
Tur informacion ta indica cu e partido di Wilders lo bolbe gana eleccion, cu lo reduci e partido di Mark Rutte cu a marca historia politico na Hulanda, na un forma considerabel.
Kico mientras ta yega na un Gobierno nobo, e situacion actual ta pa henter Reino Hulandes?
E actitud di Oposicion Hulandes ta duna e contesta, splicando cu e ta sostene e Gobierno Hulandes actual cu e mester sostene pa Hulanda y Reino Hulandes no keda sin Gobierno, loke lo bira un crisis historico den Reino Hulandes.
DIARIO lo sigui informa Aruba den detaye di e situacion den Reino, caminda sigur e relacion financiero den Reino a conoce cambio historico directamente pa Aruba tambe pero tambe ta exigi awor den un mundo di problema, seriedad politico extremo na Aruba, cu mester comprende e gravedad di situacion Hulandes cu ta crece diariamente tambe pa henter Reino den un situacion historico!
