Thessaly Zimmerman comiendo cos dushi

ORANJESTAD (AAN): Recientemente durante un anochi special pa honra tres Miss cu a sobresali den 2021, e organizacion GLW Foundation a percura pa busca algo special pa e candidatanan y publico presente.

   Esey a consisti di tres caha yena cu ‘cos dushi’ tipico di Aruba y cu ta haci grandi y chikito contento.

   Riba e potretnan aki por mira momento cu Miss Universe Aruba 2021, esta Thessaly Zimmerman como tambe Miss Teen Aruba International 2021, Elizabeth Johnson, ta cobando den e cahanan di cos dushi aki, cu a wordo produci pa e talentoso dama Mayra Solognier-Wever.

   E dama Mayra Solognier-Wever na diferente evento, sa bende tanto bolo, conserva, dushi di cornflakes, cocada, y cupcakes.