ORANJESTAD (AAN) -- Un ciudadano cu ta sirbi den un grupo di servicio social di un parokia, a tuma contacto cu DIARIO pa haci un yamada na comunidad,
pa esnan cu ainda por aporta un paki comestible prome cu fin di aña, pa famianan den necesidad.
El a bisa cu no ta nada si ta un paki chikito, kizas cu un paki di aroz, un paki di bonchi, un par di bleki di tuna, ham, sardinchi, locual cu por, coffie y sucu, podise un paki buscuchi, pasobra no obstante cu diferente fundacion a yuda prome cu Pasco, y hendenan individual tambe, e necesidad ta surpasa locual hendenan di bon boluntad a aporta.
Ainda den e diferente parokianan tin hende cu ta ricibi y parti e alimentonan. Tambe ta pidi pa no trece paña ni otro articulonan cu no ta alimento. Un cahita mes cu algun comestible ta bon, y sigur Dios lo recompensa e acto di amor y solidaridad aki.
