Thalía awor ta wordo acusa di ta maltratando animal

MEXICO CITY: Ta parce cu e protagonista di famoso programa di TV manera “María Mercedes”, “Marimar”, y “Maria la del Barrio”,

a lubida full riba e mensahe cu e tabata duna hobennan den pasado: “Animalnan tey pa stima nan, cuida nan, y percura pa nan bienestar”.

   Pasobra riba su Instagram el a pone un potret cu su cacho cu yama Francessca, unda bo ta mira e cacho cu su oreanan mara di tal forma cu nan ta parce cácho.

   Loke e artista Mexicana aki a haci riba social media, e causa indignacion y polemica entre e usadornan di Internet cu a acusa e dama di ta maltratando animal, pasobra ta parce cu el a corta e oreanan di e mascota aki.

   Su fanaticonan a skirbi mesora contra e artista cu mensahenan manera: “No mutila cachonan.  Dios, ta cuanto ignorancia aki?”  Tambe a pone mensahe: “Esey si ta un mal corta di orea”.

   Nan a splica cu e ser humano ta liber di pone tatuahe, pierce curpa, of opera curpa, pero e animalnan no ta pidi ni ta necesario pa mutila nan djis pa beyeza.

   Te cu awor, e actriz Thalía no a duna ningun comentario riba esaki.