Team di DIARIO cu fenomenal almuerzo di Pasco

ORANJESTAD (AAN): Den fin di siman, un grupo di empleadonan actual, y tambe ex-empleado di DIARIO a reuni na El Gaucho Restaurant pa asina na un forma hopi cozy, yena cu combersacion, a goza di nan Almuerzo di Pasco.

   El Gaucho un biaha mas a demostra un nivel halto di servicio, cu bon cuminda, delicioso carni, fenomenal pisca, sopi, y tambe postre pa e grupo cu a goza di comienso te fin.  Un encuentro cu a wordo programa originalmente pa tin un duracion di 2 ora, a bay pa mas di 3 ora y mey.  Sumamente fenomenal tabata e refrescante Sangria pa cual El Gaucho ta famoso p’e.

   Tur hende a gosa di e bunita merdia aki cu nan Almuerzo di Pasco, y lo keda graba den nan memoria.