Henter Colegio Conrado Coronel a celebra nan Cena di Pasco

ORANJESTAD (AAN): Diahuebs siman pasa, durante henter atardi, e personal di Colegio Conrado Coronel tabata riba pia,

pa asina celebra hunto cu nan alumnonan un tradicional y dushi Cena di Pasco.

   Na e ocasion aki, e docentenan talentoso a presenta un bunita show di canto y baile pa e muchanan. Despues di esaki cada klas a bay y a pasa e resto di anochi den nan klas caminda nan a come, y pasa un rato agradabel cu otro.

   Y manera por mira riba e potretnan, ta caranan contento so tabata visibel tur caminda.  Pesey mes esnan di Colegio Conrado Coronel kier a desea e alumnonan y nan famia un bon Pasco y prospero Aña Nobo.   Corda cu Diamars ta ultimo dia di scol y despues lo regresa te 6 di Januari 2025.